Ministri i Brendshëm Fatmir Xhafaj ka qenë i pranishëm sot në një takim te Akademia e Policisë. Ai ka vendosur theksin te Vettingu i punonjësve të policisë dhe vijimi i luftës kundër kanabizit.
Xhafaj tha që është shumë e rëndësishme që pastërtia e figurës së policisë të mos vihet në diskutim dhe po ashtu apeloi për ndihmën e qytetarëve në proces.
‘’Duhet të kryehet një proces Vettingu, ashtu si në rastet e gjyqtarëve dhe prokurorëve. Një punonjës policie qoftë edhe mbështetës i një subjekti kriminal nuk mund të tolerohet.
Kjo do të bëhet edhe me ndihmën dhe kountributin e qytetarëve për tiu dhënë atyre policinë që duan.
Praktikave të krimit dhe korrupsionit duhet tiu jepet fund. Ashtu si e kam thënë dhe në fjalën time të parë, lufta ndaj kanabizit do të jetë thelbësore, dhe do të ketë përgjegjës për çdo rrënjë kanabis të mbjellë.
Ashtu si ndodhi me rastin e Kurbinit, do të ndodhë me çdo punonjës policie. Është naive të mendosh se do të lejohet kontrolli i mbjelljes së kanabisit me qëllimi përfitimi personale. Lufta ndaj këtij fenomeni do të jetë e plotë dhe kërkojmë mbështetjen e qytetarëve dhe partnerëve’’, u shpreh Xhafaj. (E.K/SHUPLAKA)
Discussion about this post