Afati i fundit i aplikimit për të interesuarit për anëtarë në organet e Vettingut është ora 23:59 e datës 9 shkurt.
Deri ditën e djeshme mësohet se kanë aplikuar mbi 100 kandidatë, referuar deklaratës së institucionit të Avokatit të Popullit.
“Numërohen mbi 100 kandidatë, brenda dhe jashtë vendit, që kanë shprehur interes për 27 postet e anëtarëve të institucioneve që do të bëjnë rivlerësimin kalimtar të gjyqtarëve dhe prokurorëve shqiptarë.”, citohet në njoftim.
Avokati i Popullit bën thirrje për më shumë përfshirje në këtë proces me rëndësi jetike për shqiptarët: “Është koha e qytetarëve shqiptarë brenda dhe jashtë vendit. Është një moment kthese për Atdheun tonë.” (XH.A/SHUPLAKA)
Discussion about this post