Fillimi i zbatimit të ligjit të Vetting-ut ka filluar të japë efektet e para. Sipas një të përditshme shqiptare, mësohet se ai që ka dhënë dorëheqjen i pari, është prokurori i Krujës, Sulejman Tola, që ka paraqitur tek Presidenca, aktin e dorëheqjes.
Kjo dorëheqje ka ardhur nga vetë prokurori me vullnet të lirë sepse siç e parashikon ligji i Vetting-ut, ai duhet të deklarojë pasurinë, por që Tola ka refuzuar ta japë.
Prokuroria ka preferuar të mos e dorëzojë formularin e deklarimit të pasurisë nëpërmjet një dokumenti të drejtuar nga ILDKP.
Dalja në pension është argumenti i përdorur nga prokurori në refuzimin për t’iu nënshtruar Vetting-ut. Ndërsa neni G i kushtetutës që është edhe neni i fundit, i jep një mundësi njerëzve të sistemit të drejtësisë që të japin dorëheqjen nëse ata mendojnë se nuk munden ta kalojnë kontrollin e pasurisë dhe figurës.
Sakaq të dorëhequrve ligji i Vetting-ut i jep një dëmshpërblim financiar. Ndërsa kanë mbetur edhe 4 ditë nga afati i dorëzimit të formularëve, mësohet se nga 800 persona që do t’i nënshtrohen Vetting-ut, e kanë dorëzuër më pak se gjysma, rreth 350. (K.P/SHUPLAKA)
Discussion about this post