Koordinatori i Përgjithshëm i Organizatës së Kombeve të Bashkuara në Shqipëri, Brian Williams, e ka cilësuar me rëndësi jetike për Shqipërinë reformën në drejtësi. Në një intervistë për një gazetë të përditshme, ai është ndalur tek projektet e UNDP-së me qeverinë shqiptare për rritjen e transparencës ndaj publikut dhe prioritetet e këtij institucioni që lidhen me barazinë gjinore dhe betejën kundër diskriminimit racial të popullsisë rome dhe egjiptiane.
Ai u shpreh se hapat në vijim të reformës në drejtësi janë thellësisht kritike, por sipas tij nuk është e vetmja reformë e rëndësishme përsa i përket korrupsionit. Koordinatori Ëilliams theksoi se “çështja thelbësore është krijimi i besimit tek institucionet, e duke ndarë mendimin se që deri më tani institucionet nuk e kanë këtë besim, institucioneve u duhet ta fitojnë pasi qytetarët janë shumë skeptikë.”
“Unë mendoj se Reforma në Drejtësi që u miratua vitin e kaluar është një reformë thelbësore, ndoshta më e rëndësishmja. Si pasojë, hapat e mëtejshme të nevojshme për zbatimin e kësaj reforme, duke përfshirë ligjin e vetingut, janë thellësisht kritike. Mendoj se nuk është e vetmja reformë e rëndësishme për sa i përket korrupsionit, pasi qytetarët përballen me strukturat e shtetit kur shkojnë te mjeku, në shkollë apo kur u duhet një certifikatë nga bashkia. Kështu që, qeveria ka shumë mundësi për të fituar besimin e qytetarëve, duke ofruar shërbime në mënyrë më efikase, më të ndershme dhe të drejtë. Reforma në Drejtësi është ajo që i përmbledh gjithë të tjerat. Ajo është në themel të të gjitha reformave të tjera. PNUD dhe Agjencitë e tjera të Kombet e Bashkuara po punojnë për këtë në drejtime të ndryshme.”, deklaroi ndër të tjera Brian Williams.
(XH.A/SHUPLAKA)
Discussion about this post