Në mbledhjen e Komisionit të Ligjeve dhe Këshillit të Legjislacionit të ditës së sotme është shqyrtuar nisma e 35 deputetëve të Partisë Demokratike, Lëvizjes Socialiste për Integrim dhe Partisë Republikane për vettingun në politikë.
Opozita ka kërkuar që procesi i ndryshimeve kushtetuese për vettingun në politikë të mbyllet brenda një jave ndërsa maxhoranca ka kërkuar që amendamentet t’i dërgohen për opinion Komisionit të Venecias.
Por ky propozim i opozitës për mbylljen e procesit është hedhur poshtë nga maxhoranca.
Në fund Këshilli ad hoc i mbledhur enkas për këtë vendosi me shumicë votash të pranojë propozimin e maxhorancës duke e kaluar projektligjin në Komisionin e Venecias.
Deputeti demokrat Enkelejd Alibeaj u shpreh se maxhoranca kishte frikë nga vettngu dhe bëri thirrje që projektligji të mos çohet në kalendat greke. (B.H/Faxweb)
Discussion about this post