Nga Bledian Koka
Krenaria e Edi Ramës për vendimin e Gjykatës Kushtetuese është sot lajmi më i keq pas vetë vendimit të kushtetuesave nën presion. Edi Rama ka gojë t’i thotë opozitës se “Vetingu do ju ndajë nga shoqëria e keqe e të korruptuarve”.
Po nga kush do të ndahet opozita, do të ndahet nga Vis Rroshi, do të ndahet nga Prenga nga Noka apo nga Balili e Lul Berisha? A ka Edi Rama sot gojë të rrahë gjoksin se ai është në anën e të mirëve dhe opozita në anën e kriminelëve në Parlament që edhe kur s’janë në parlament, jane në liri me ndihmën e Edi Ramës?
Kush e ka ekskluzivitetin e shoqërisë sot me të korruptuarit, opozita apo Edi Rama që ia ka dhënë paratë Vilma Nushit, Carapulit e kunetërve të LSI?
Kush e ka sot ekskluzivitetin e shndërrimit të vendit në një arë të madhe kanabisi dhe shkatërrimit të bujqësisë cep me cep? Kush e ka sot ekskluzivitetin e të paturit ministër Shëndetësie Ilir Beqjën prej më shumë se 3 vjetësh?
Po pse me ligjin e Sorosit do ta bëjmë ne drejtësinë në Shqipëri, apo me deliret e Spartak Ngjelës? Po pse, duke votuar modelin e konsensusit dhe duke ndërruar natën ligjin e Vettingut me dorën e Xhafes që mbështeste kokën tek kraharori i Enverit, do të bëhet drejtësi në këtë vend? Sa herë Edi Rama ka rrahur gjoksin për një arritje, aq herë ajo ka qenë dita më e zezë e këtij populli, dhe sot një ditë e tillë është, sepse gjeli krenarist po kakaris në majën e plehut që ka prodhuar vetë duke thënë se glasën nuk e ka bërë ai.
p.s…këtu do të jemi edhe pas 4 vjetësh, dhe keni për ta parë se çfarë i kemi bërë vetes, po deri atëherë le të shpresojmë se do të kenë mbetuar akoma shqiptarë pa çarë ferrën!…
Discussion about this post