Ditën e djeshme Kuvendi ktheu në shqyrtim te Avokati i Popullit kandidaturat për Vettingun. Edhe pse u mendua se për shkak se seanca e jashtëzakonshme do të sillte ndonjë suprizë kjo nuk ndodhi. Mungesa e opozitës dha rezultatet e veta. Ndërkohë maxhoranca vijon të theksojë se mungesa e miratimit të Vettingut do të ketë pasoja për gjithë institucionet e drejtësisë.
Sipas Xhafajt, u kërkua kthimi i listës dhe hapja e garës për vettingun, -ndërsa shkak për shtyrjen janë bërë kërkesat e shumta dhe koha e shkurtër- tha kreu i Komisionit të Ligjeve. Po ashtu ai theksoi se Operacioni Ndërkombëtar i Monitorimit pohoi se kërkesat ishin të rregullta, por kishte mungesë dokumentesh.
Gjatë një komunikimi me gazetarët, Xhafaj bëri një apel nëse nuk votohet në kohë Vettingu, ndërsa numëroi dhe pasojat. “E kam fjalën për Këshillin e Lartë të Prokurorisë dhe Këshillin e lartë të Gjyqësorit, sepse këta kanë një afat të limituar nga kushtetuta. Kjo është arsyeja pse konsiderohet tejet i rëndësishëm Vettingu. Partitë kanë detyrimin që të respektojnë Kushtetutën sepse janë parti kushtetuese. Por këto forca politike kanë votuar aneksin që parashikon Vettingun. Po ashtu, Xhafaj u pyet dhe në lidhje me rolin e Avokatit të Popullit në këtë proces, ndërsa ai u përgjigj se: “nuk ka asnjë cenim të rolit që Kushtetua i ka dhënë Avokatit të Popullit”
Projektvendimi i djeshëm në Kuvend parashikon shtyrjen me një javë të afatit të aplikimeve për komisionin ad-hoc. (E.K/SHUPLAKA)
Discussion about this post