Pasi kreu demokrat Basha në një deklaratë për mediat u shpreh se rruga e vetme për të pastruar politikën nga kriminelët është që kjo e fundit t’i nënshtrohet vettingut, është zbardhur dhe projekligji i depozituar nga opozita në Kuvend për miratim.
Sipas këtij projekligji deputeti i Kuvendit të Shqipërisë, kryetari i bashkisë dhe çdo drejtues ose anëtar i institucioneve kushtetuese dhe ligjore që emërohen në detyrë me votim nga Kuvendi, përfshirë funksionin e Kryeministrit apo anëtarit të Këshillit të Ministrave, i nënshtrohen procesit të kontrollit të pastërtisë së figurës.
Ndërkohë në dy pika të tjera theksohet se u ndalohet detyra deputetit të Kuvendit të Shqipërisë apo kryetarit të bashkisë ose anëtarëve të institucioneve kushtetuese që kanë apo kanë pasur kontakt me persona të përfshirë në krim të organizuar. Ndalimi i ushtrimit të funksionit shërben edhe në rastet kur nuk justifikohet pasuria.
Projektligji i plotë: 388065480-Vetting-Krimi
