Futbollistët e ekipit të Argjentinës kanë pranuar se para transfertës së rëndësishme kundër Bolivisë të kenë konsumuar viagra për të përballuar lartësinë e madhe 3600 metra mbi nivelin e detit.
Viagra nuk bën pjesë në listën e substancave të ndaluara ndërkohë që është përdorur në 2009-ën nga një përgatitës fizik i Blooming të Santa Cruz.
Përpjekjet e Argjentinës rezultuan të dështuara pasi vendasit i mposhtën ata 2-0 duke komplikuar situatën e kombëtares argjentinase në eleminatorët e Kupës së Botës për Amerikën e Jugut.
Dy herë fituesit e Botërorit renditen në vendin e 5-të me 22 pikë, pozicion që të dërgon në fazën “play-off” dhe vë në dyshin pjesmarrjen në “Rusi 2018”.
Stadiumi i Bolivisë, “Estadio Hernando Siles” me kapacitet prej 42 mijë spektatorësh ndodhet plot 3637 metra mbi nivelin e detit, një nivel ky i vështirë për argjentinasit. (M.D/ Shuplaka)
Discussion about this post