Kanë kaluar katër vite nga zhdukja të tallavasë, Renato Hamza nga Elbasani, dhe ende nuk dihet asgjë mbi jetën e tij.
Fax News ka qenë ditën e sotme në shtëpin e tij, ku ka gjetur vajzën e tij 4-vjeçe, e cila fatëkeqësisht nuk e ka njohur babin e saj.
Po ashtu edhe nënë e tij, Silvana e dëshpëruar nuk ka më asnjë shpresë se i biri është gjallë, ndaj ajo i bën apel shtetit të paktën t’i gjejnë trupin e djalit.
Nëna e Renatos shprehet e zhgënjyer me shtetin shqiptar, pasi sipas saj ky i fundit ia ka vrarë djalin për herë të dytë.
Pas gjetjes së një kufome, në 25 prill të 2015-të në Babie të Librazhdit u dyshua se mund të ishte e Renatos, por përgjigjet e ADN-së familja nuk i mori asnjëherë. Madje nëna thotë se policia e Elbasanit i kërkoi ti bënte vetë analizat në një laborator privat, por gruaja shprehet se nuk ka mundësi të paguajë koston.
Në prill të këtij viti Silvana thotë se ka marrë një telefonatë nga një fëmijë, i cili i ka thënë që është djali i Renatos, ç’ka i ka trazuar edhe qetësinë, të cilën në fakt e kishte humbur prej 4 vitesh.
“Renato këndonte në lokale nate për të siguruar mbijetesën e familjes dhe dukej sikur gjërat po shkonin mirë për 21- vjeçarin, i cili sapo kishte regjistruar edhe videoklipin e tij të parë. Por, më 29 qershor të vitit 2014, pas një telefonate të bërë nga dikush, ai doli nga shtëpia dhe që atë ditë nuk u kthye më”, tha ajo.
Silvana shprehet e bindur se djalin e saj e ka rrëmbyer dhe ndoshta e ka vrarë ish-e dashura, e cila sipas saj bashkëpunon me një rrjet të gjërë të lidhur me njerëz të rëndësishëm.
(E.V/Faxweb.al)
https://youtu.be/Cdj40mauNn0
Discussion about this post