I ftuar në ‘Fax News’ aktivisti Pano Soko deklaroi se protesta e sotme e biznesit të vogël kundër vendosjes së TVSH-së kishte pjesëmarrje edhe pse pati mangësi për shkak se ajo nuk ishte uniforme.
I pyetur nëse mbështetja që i dha opozita kësaj proteste ndikoi në politizimin e saj Soko u përgjigj se mbështetja e opozitës është e nevojshme sepse biznesi i vogël sot kërkon mbështetje sa më të madhe për të anuluar vendimin e qeverisë për vendosjen e TVSH-së.
“Iniciativa e sotme pavarësisht se pati probleme sekishte një thrrje mbarë kombëtare dhe nuk ka qenë protestë uniforme por e rëndësishme është që pjesa më e madhe e biznesit i është përgjigjur kësaj thirrje për të protestuar për 1 orë në mënyrë që vendimet e fundit për TVSH-në anulohen”, tha ai.
Poltizimi i protestës për shkak të mbështetjes së opozitës?
“Kjo më duket si ajo nusja që nuk e ka hallin tek burri por tek fustani. Kur ka një kauzë të tillë ata njerëz kanë nevojë për mbështetje maksimale, qoftë edhe përtitë politike, për sa kohë që një shtresë e qytetarëve ka një problem të tillë ka nevojë për mbështetje edhe nga opozIta”, tha Soko.
Në lidhje me deklaratën e ministrit Ahmetaj se TVSH po vendoset për të luftuar evazionin fiscal nga biznesi i madh, Soko tha se Ahmetaj ishte qesharak në deklaratën e tij pasi arsyet që ai dha nuk qëndrojnë.
“Qesharak, ai sot ka qenë qesharak, kuptohet që futja në fashën e TVSH-së ka pasoja, kush do që ka shkollë e kupton se tatimi mbi vlerën e shtuar do ta rëndojë biznesin e vogël. Një biznes I vogël që e blinte një mall 100 lek, dhe e shet 150 lek për 50 lekshin nuk paguante gjë, ndërsa tani do të paguaje 20% e 50 lekeshit, pra nga fitimi.
Të gjitha efektet do ti vuajnë këta njerëz, tani këta ose do ti kthehen krimit ose ndihmës ekonomike ose do të ikin, evazionin fiscal ebën biznesi I madh , jo ai I vogël. është fasadë, absolutisht nuk do të ketë më shumë të ardhura në buxhetin e shtetit me mbledhjen e këtyre parave, ua ka thënë edhe FMN dhe BB, deklarata publike e FMN-së ishte që të mos kërkojnë aty poshtë tek biznesi i vogël taksë se më shumë lek do tu kushtojë për ta mbledhur. 1.5 miliardë lek që synojnë të mbledhin këta është 0.1% E buxhetit të shtetit, e kuptoni sa qesharake është, kaq para për buxhetin e shtetit nuk janë asgjë, por janë shumë pë rata njerëz”, tha Soko.
(B.H/Faxweb)
