Mes dhimbjes dhe lotëve, është përcjellë në banesën e fundit, “Mjeshtri i Madh”, Agim Doçi. Poeti i njohur shqiptar, Agim Doçi ndërroi jetë pas disa ditëve në luftë për jetën. Doçi u paraqit mëngjesin e 22 qershorit në Shërbimin e Neurologjisë në QSUT dhe u shtrua menjëherë në reanimacionin e këtij shërbimi, pasi pësoi hemorragji cerebrale.
Doçi njihej per deklaratat e tij kritike ndaj artisteve, por edhe figurave poltike. Homazhet në nder të tij janë bërë në rreth shoqëror, familjar dhe artisitik dhe jo homazhe me ceremoni shtetërore, siç i ka hije një artisti të madh. Veç familjarëve, në homazhe u panë Ministrja e Arsimit dhe Sportit Evis Kushi, Kryeparlamentarja Lindita Nikolla, motra e tij Tetuta Doçi, mikesha Zaloshnja, gruaja Yllka Causholli, miku i tij Aulon Kalaja, Çlirim Gjata dhe mikesha Manjola Nallbani.
Trupi i pajetë i Agim Doçit do të prehet në varrezat e Tuifnës. Institucionet shtetërore, ashtu si në kohën kur ishte gjallë edhe pas vdekjes nuk e nderuan siçduhet, por poeti dhe artisti, ndonëse nuk u shpërblye për punë e tij me një pesnion, por vetëm një titull, fitoi shumë, fitoi respektin dhe dashurinë e popullit shqiptar.
Discussion about this post