Një aksident i rëndë ka ndodhur pasditen e kësaj të mërkure në zonën e Kopshtit Botanik në Tiranë.
Një automjet është përmbysur në Unazën e Madhe pasi drejtuesi i tij ka humbur kontrollin, duke u përplasur fillimisht me bordurat anësore.
Sipas burimeve paraprake, fatmirësisht personat që udhëtonin në makinë nuk kanë pësuar lëndime serioze, por ky informacion mbetet për t’u konfirmuar nga Policia e Tiranës.
Në një video të siguruar nga Euronews Albania, shihet makina e përmbysur në mes të rrugës ndërsa policia po vijon hetimet për të sqaruar rrethanat e aksidentit.
