Një aksident i rëndë ka ndodhur mëngjesin e sotëm në rrugën Malishevë – Rahovec, ku si pasoje një 28-vjeçar ka humbur jetën. Këtë lajm e ka konfirmuar për Express Albin Sahatqija, shef i trafikut rajonal në Gjakovë.
“Një aksident trafiku ka ndodhur sot në orën 06:30 në rrugën Malishevë – Rahovec në mes një automjeti dhe kamioni. Aksidenti ka ardhur si pasojë e mos përshtatjes së drejtuesit të automjetit dhe si pasojë ky i fundit ka ndërruar jetë, i cili dyshohet edhe si shkaktar i aksidentit. Viktima ka humbur kontrollin dhe është përplasur me kamionin”.
Sipas Sahatqiut vetëm shoferi i makinës ka humbur jetën dhe nuk ka të tjerë të lënduar.
