Një aksident me pasojë vdekjen ka ndodhur pak minuta më parë në aksin Korçë-Pogradec.
Burime bëjnë me dije për gazetaren e Fax News Ledjona Xheladinaj se një mjet trajler ka përplasur një automjet me targa greke dhe për pasojë ka vdekur drejtuesi i Benzit, i cili mbetet ende i paidentifikuar.
Shkak i aksidentit dyshohet se ka qenë lagështira në rrugë dhe shpejtësia me të cilën po udhëtonte mjeti Benz.
Nuk bëhen të ditur ende identitetet e personave të përfshirë në aksident, ndërsa policia ndodhet në vendngjarje për të hetuar shkaqet.
Njoftimi i policisë:
Më datë 03.10.2019, në orën 12.30, në aksin rrugor Korçë-Pogradec, pranë fshatit Petrushë, janë përplasur mjeti tip “Benz” (me targa greke), me një mjet tip kamion, me drejtues shtetasin F.M, 47 vjeç, banues në fshatin Bulgarec, Korçë.
Për pasojë ka gjetur vdekjen drejtuesi i mjetit, tip “Benz” (ende i paidentifikuar).
Grupi hetimor në vendin e ngjarjes, po punon për të zbardhur rrethanat e ngjarjes dhe përcaktuar shkaqet e aksidentit.
Ky është aksidenti i dytë me pasojë vdekjen që ka ndodhur këtë të enjte, pasi në mëngjes një tjetër përplasje ndodhi në afërsi të Qafë Thanës ku një mjet trajler u përplas me një autobus, duke shkaktuar vdekjen e një prej pasagjereve dhe plagosjen e dy të tjerave. (lexo edhe ketu)
Discussion about this post