Albert Zykaj ka treguar se martesa e parë nuk shkoi ashtu si duhet, sepse gruaja e tij ndërroi jetë. “Historia Ime” ka sjellë ditën e sotme historinë e vështirë dhe të dhimbshme të 56-vjeçarit nga Mallakastra.
Pak pas ndarjes nga jeta të bashkëshortes, ai nisi një tjetër lidhje, që më vonë do i sillte atij mjaft probleme. Alberti zbulon se partnerja e kishte gënjyer sepse nuk ishte martuar vetëm një herë. Pavarësisht kësaj lidhja vazhdoi dhe në jetë erdhi vogëlushja e tyre, për të cilën 56-vjeçari nuk është i sigurt nëse mban mbiemrin e tij.
Pyetje: Sa vjeç je?
Albert Zykaj: 56 vjeç!
Pyetje: Si është jeta jote?
Albert Zykaj: Kam qenë në Patos, kam patur një grua nga Mallakastra dhe ajo ka vdekur. Kam bërë dy fëmijë.
Pyetje: Ke dy djem nga martesa e parë?
Albert Zykaj: Po, kam dy djem. Kam qenë në Francë, në Paris dhe atje i kam dy djemtë.
Pyetje: Sa vjeç janë djemtë?
Albert Zykaj: Njëri është 27, tjetri 24!
Pyetje: Ndërkohë ti ke patur një njohje të dytë?
Albert Zykaj: Një njohje të dytë e kam patur me një gocë nga Novosela. E kisha në Durrës, atje punoja kuzhinier.
Pyetje: U njohe me të atje?
Albert Zykaj: Po u njohëm atje. Më tha që kishte qenë një herë e martuar, por më pas i zbërtheu të gjitha gjërat që s’kishte qenë vetëm një herë, por kishte qenë 2 herë e martuar.
Pyetje: Kishte pasur edhe ajo një jetë të saj?
Albert Zykaj: Kishte dhe një gocë e quan Valeria, ishte 10 për 11 vjeç. E kërkoi i ati, m’u lut mua. Unë linda gocën time, ai e kërkoi dhe unë ia dhashë.
Pyetje: Vjen në jetë në fëmijë?
Albert Zykaj: Po vjen në jetë një fëmijë, quhet Sabiana.
Pyetje: Sa vjeç është tani Sabiana që flasim?
Albert Zykaj: Sabiana tani duhet të jetë 3 vjet e gjysmë për 4.
Pyetje: Mbiemrin ia dhe vajzës?
Albert Zykaj: Po nuk e di tani, ia kam vënë, i dhashë emrin Albert, por nuk e di cili Albert? Se unë e kam Albert Zykaj, nuk e kam Albert Ushtaraku. Këtë nuk e di.
Pyetje: Pra ti nuk je i bindur nëse vajza në momentin që ti i dhe vajzës atësinë dhe u regjistrua, është regjistruar apo jo me mbiemrin tënd?
Albert Zykaj: Po!/tvklan.al
