Banorët e Bregut të Lumit kanë treguar në migrofonin e Televizionit Fax Neës tmerrin e përjtuar gjatë këtyre ditëve nga forcat e policisë që kërkonin nga ata lirimin e banesave.
Ata thanë se policia ka ushtruar dhunë ndaj tyre, ka terrorizuar fëmijët, ka ushtruar dhunë fizike ndaj banorëv që kanë rezistuar si dhe nuk I kanë lejuar të marrin elektroshtëpiaket nga banesat tyre.
“Policia ka ardhur e armatosur, na ka dhunuar. Një nga policët kërkoi arrestimin tim. Jemi tmerruar nga terrori që ka ushtruar policia. Ju kemi kërkuar policisë që të na lejojnë të mbrojmë banesat tona. Jam në rregjim shtrati, jemi ngritur nga halli”, deklaroi një banorë.
“Faktikisht ne i kemi mposhtur, iku policia me datë 8, në datën 9 jemi ngritur nga gjumi të tmerruar, pa këpucë dhe unë kam hipur në çati, hipa në çatinë e shtëpisë 3 metra të lartë. Ka ardhur eskavatori përpara këmbëve të mia dhe prishi avllinë. Pastaj ajo ka filluar të shembë shtëpinë. Aty kam goditur eskavatoristin, ai ngriti kovën lart dhe ma solli tek koka, e bëri jo vetëm për kërcënim. Për të mos u dëmtuar nga ndonjë goditje e tij jam hedhur dhe kam rënë nga tre metra lartësi. Jam zi në gjithë trupin nga dëmtimet e marra.
Pasi kam rënë kam qëndruar më shumë se gjysmë ore në gërmadhë. Pasi kam marrë vetën kam dëgjuar të më thërrasin në emër punonjësit e Policisë së pushtetit jo të Shtetit. Më thërrisnin a të vijmë të të ndihmojmë. O horrat e Sali Protopapës, ju do të më jepni ndihmë. Arrita të dalë nga aty me ndihmën e dikujt tjetri dhe kam qëndruar në shi deri sa ka ardhur dhe më ka marrë ambulanca duke më dërguar në Spitalin Ushtarak. I lutem gjithë popullit shqiptarë, dhe zotit Kryeministër, me thirrjen që ka bërë ai lindni një kalama se u plak Shqipëria, jo zotëri, nuk mund të lindin fëmijët në një vend të drejtuar nga ti”, u shpreh njëri nga banorët e Bregut të Lumit.
Një banore tjetër u shpreh se bashkëshorti kërkoi dy ditë kohë që ta lejonin të nxirrte orenditë. “Ata me arrogancën më të madhe i futën fadromën dhe i zunë të gjitha brenda”, tha ajo. “Nuk linin makinat për të marrë asgjë nga shtëpia. Jemi pa shpi, rrimë tek komshinjtë edhe rrobat ata na i kanë dhënë”, shtoi ajo për Fax News me gazetaren Mirilda Tili.
Ndërkohë një tjetër tregoi edhe shumën me të cilën është vlerësuar banesa e saj ndërkohë që paraprakisht i kishin komunikuar një shumë tjetër shumë më të lartë.
“Mua më kanë vendosur masën e shpronësimit në vlerën 36 milionë lekë ndërkohë që më kanë thënë një tjetër shifër në fillim. Kam aplikuar që në 2006 për të marrë çertefikatën e pronësisë. Ka qenë terror, gaz lotsjellës, dhunë dhe presion. Nuk na lejonin të futeshim nëpër shtëpitë tona, fëmijët u traumatizuan, i kemi dërguar tek të afërmit dhe komshinjtë se nuk rezistonin ndaj gazit lotsjellës.
Ta zbukurojë Tiranën, lule ta bëjë Erion Veliaj, por të na japë paratë, siç i ka dhënë për lotin e parë. Na ka vlerësu me 53 milionë, ato duam ne sa na kanë caktuar vetë. S’kemi ku të shkojmë, nuk mund të qëndrojmë tek të afërmit gjithë jetën, edhe serbi nuk e ka bërë këtë”, tha ajo.
Një tjetër banore u shpreh: “Nuk mjkafton as dhuna, as terrori, fëmijët janë bërë për psikologë. Çdo ditë vijnë makinat e policisë për të marrë djemtë tanë ndërkohë që kriminelët bredhin rrugëve. Bëj thirrje të mos kenë arrestime më. Kemi nbetur rrugëve pa u larë, pa ngrënë”.
(F.GJ/FAXWEB.AL)
