Kryetari i Partisë Demokratike, Lulzim Basha përmes publikimit të një videoje në facebook, ka ftuar qytetarët shqiptarë që të marrin pjesë në protestën që do të mbahet ditën e nesërme në orën 19:00 në Bulevardin “Dëshmorët e Kombit”.
Basha shkruan përkrah videos se kjo protestë tregon vendosmërinë për liri, demokraci, zgjedhje të lira dhe një qeveri që i shërben popullit.
“Të gjithë në Tiranë nesër, më 25 maj në orën 19:00, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin, për Shqipërinë si e gjithë Europa. Asnjë hap pas! #25maj #ShqipëriaSiEurop”, shkruan kryedemokrati.
(F.GJ/FAXWEB.AL)
