Adriatik Alimadhi është një prej deputetëve që bënë betimin sot në Kuvend. Para se të niste seanca ai ka deklaruar dhe arsyet që e çuan përpara këtij vendimi, ndërsa deklaron se kreu i PD-së, Basha ka shkelur marrëveshjet.
“Të gjitha marrëveshjet PD nuk i ka zbatuar ndaj Ballit Kombëtar. Jam konsultuar me zotin Basha. Personalisht jam dispozicion të vendimit të Kryesisë së Partisë, që institucionet e këtij vend të funksionojnë. Mandati im është i Ballit Kombëtar”, tha sot Alimadhi.
Ndërkohë që ka falënderuar mediat për interesim ndaj tij. “Ju falënderoj që pas 15 vjetësh media tregoi interesim për Ballin Kombëtar”, tha Alimadhi para gazetarëve.
Bashkë me të u betua sot dhe Arben Elezi, ish-kreu i PD-së në Peqin, i cili tha se është për listat e hapura për deputetë, pasi vetëm në këtë mënyrë do të mund të ketë një përfaqësim real të qytetarëve. (lexo ketu)
Ndërkohë deputetja që pritej të betohej, Ambra Borova nuk ishte e pranishme në Kuvend, sipas Ruçit për arsye objektive. (Lexo ketu)
(E.K/FAXWEB.AL)
