U mbyllën nga Koronavirusi, pamje nga dezinfektimi i ambjenteve publike

Ditën e sotme ka nisur dhe po vazhdon dezinfektimi i ambienteve të institucioneve publike dhe godinave në territorin e Bashkisë së Shkodrës.

Puna e nisur në orët e mëngjesit, do të vazhdojë deri në orët e vona të natës për ti vujuar sërish nesër dhe ditët në vijim, deri në përfundimin  plotë të procesit të dezinfektimit.

Video tregon procesin e dezinfektimit në shkollën “Shejnaze Juka” dhe në kopshtin që është në të njëjtën ndërtesë. Ndërkohë, sot është dezinfektuar edhe ambienti i Drejtorisë së Sherbimit Bujqësor dhe Pyjor të Bashkisë Shkodër.

Njoftimi i Bashkisë

Procesi i dezinfektimit po kryhet sipas të gjitha parametrave profesionale, nga kompani të certifikuara nga institucionet shqiptare.

Githashtu edhe në qytetin e Elbasanit dhe atë të Beratit po merren masa të tilla.

Ka përfunduar tashmë dezinfektimi i të gjitha tregjeve ushqimore në qytetin e Elbasanit.

Puna po vijon në çdo hapësirë publike, institucione, linjat e transportit urban e interurban.

Masat e marra synojnë të parandalojnë përhapjen e virusit, por gjithashtu për të sensibilizuar çdo qytetar se kjo është një betejë e përbashkët.

Ju duhet të merrni masa për higjenën personale dhe të ndiqni rekomandimet e autoriteteve.

Të nderuar qytetarë, duke nisur nga nesër shërbimet në sportele do të pezullohen.