Karabinierët italianë kanë arrestuar ditën e sotme pas shumë përpjekjesh bosin e grupit mafioz “Ndrangheta”, Cosimo Damiano Gallace, në Isca, pranë brigjeve të detit Jon. 60-vjeçari ishte në kërkim prej një viti pasi ishte dënuar më herët me 14 vite burg, nën akuzën e drejtimit të një grupi mafioz.
Në kohën e operacionit, i arratisuri nuk u gjurmua menjëherë në shtëpi edhe pse shoqëruesi i tij 34-vjeçar dhe vajza e tij 4-vjeçare ishin atje, duke pushuar në dhomën e gjumit. Gallace, pas një kërkimi të gjatë dhe të përpiktë, u gjet dhe u kap brenda një bunkeri me akses të fshehur nga një mur i rremë i vendosur nën një pasqyrë në dhomën e gjumit.
Dera e vendit të fshehjes, e lidhur me një pajisje mekanike, mund të hapet vetëm duke kthyer një nga tre çelësat, atë qendror, të një varëse muri ngjitur. Gjatë kontrollit, u gjetën dhe u sekuestruan: 1 karrocë që përmbante rreth 35,000 euro para në dorë, 1 tabletë, 9 telefona celularë, 2 prej të cilëve u dëmtuan nga pala e interesuar para se të zbuloheshin në bunker.
