Për shumë persona, nata e ndërrimit të viteve ka qenë një festë e vërtetë, pranë miqve, të afërmve, familjarëve dhe njerëzve të zemrës, por për shumë të tjerë, ka qenë një moment i mirë për të bërë disa para përmes vjedhjes. Një rast i tillë është denoncuar tek JOQ.
Bëhet fjalë për një qytetare, e cila shprehet se gjatë kësaj nate, teksa ka qenë duke festuar me miqtë e saj në një prej lokaleve më të frekuentuara në Tiranë, një person të cilin nuk e njeh, i ka vjedhur pallton. Bëhet fjalë për një pallto kashmiri, e cila kushton jo pak, por plot 189 euro, sipas denoncueses.
Ajo shton se nga mbipopullimi, në lokal ishte improvizuar kjo lloj varëseje e palltove, ndërsa personi në fjalë ka marrë edhe një xhup, teksa të vetin e kishte të veshur. Gjithçka e ka dëshmuar përmes fotove e videove, të siguruara nga pronarët e lokalit.
“Personi ne fjale, vodhi pallton time dhe 1 xhup tjeter ne nje lokal goxha te frekuentuar te tiranes. Naten e nderrimit te viteve, ne City Art Caffe. Nga mbipopullimi i njerzeve lokali kishte improvizuar keto vareset e palltove, sic shihet dhe ne video.
Djali, me xhupin kaf, vjen dhe merr 1 xhup tjeter dhe pallton time, nderkohe te vetin e kishte veshur. Videot i nxorra bashke me pronaret e lokalit keshtu qe jane dhe ato ne dijeni. Vetem disa kusure te pijeve te darkes, jo ndonje gje te madhe. Pallto 189€ , kashmir.
Gjate gjithe festes e kisha mbajtur veshur, ne moment qe ngjitem ne tualet e var aty, dhe kur zbres nuk e vesh. Por po te shikosh videon, jam ajo me te zeza qe e kuptoj menjeher qe djali kur kaloi kishte dicka te ngjashme me pallton time.
Tek tavolina e madhe afer palltove, bjonde me jumpsuit te zi. Ajo jam une”, shkruan ajo.
Discussion about this post