VIDEO/ Braçe merr në ‘mbrojtje’ Astrit Avdylajn: Nuk kam dëgjuar të flasë për punë lekësh e votash

Gjatë një komunikimi me gazetetarët, zv.kryeministri, Erion Braçe është ndaluar te përgjimet e Shijakut. Numri 2 i qeverisë, bëri në një farë mënyre, avokatin e Astrit Avdylajt ku duke folur për përgjimet Dako-Avdylaj, tha se se në ato që kishte dëgjuar nuk flitet për punë lekësh dhe votash duke shtuar se prokuroria duhet të thellohet në çëshjten e hetimeve.

“Kush e thotë që çdo njeri që ndodhet në burg konsiderohet koka e një grupi kriminal? Njihet edhe institucioni i rehabilitimit. Në përgjimet (Dako-Avdylaj) që kam dëgjuar unë s’flet për punë lekësh e votash. Për listën e punonjësve duhet ta çoni hetimet edhe në fund. Prokuroria duhet të thellohet në çështjet e hetimeve të saj. Përgjegjësi i ujësjellësit ka hequr njeri nga puna, ka pasur nën tagër lëvizjen e dikujt? Këtë e përcakton hetimi i prokurorisë”, tha Braçe.

(F.GJ/FAXWEB.AL)