Pas shumë vitesh te Juventusi, Gianlugi Buffon ka nisur një aventurë të re te PSG-ja. Portieri legjendar nuk u dorëzua dhe në moshën 40-vjeçare dëshiron të provojë forcën e tij në Ligue 1.
Por Gianluigi Buffon gjithsesi ishte i detyruar të performonte një këngë debutimi përpara shokëve të tij të rinj te skuadra e Paris Saint-Germain. Buffon u filmua nga bashkëkombasi i tij Marco Verratti, duke kënduar me gjithë shpirt një këngë, me zërin që i buronte nga mushkritë, teksa qëndronte mbi një karrige në dhomën e ngrënies.
Madje, Buffon të gjithë këngën dhe shfaqjen komike e ka bërë duke mbajtur veshur edhe syzet e zeza të diellit, ndërkohë që performanca e veteranit shoqërohej edhe me gjestikulacion, si për të zbavitur më shumë Neymar me shokë.
(M.Q/Faxweb)
Discussion about this post