Prej kohësh është përfolur për një lidhje të mundshme mes këngëtares Çiljeta Xhilaga dhe portierit të klubit të Partizanit dhe të Kombëtares, Alban Hoxha.
E ftuar në emisionin “Oktapod” Çili ka folur për herë të parë për marrëdhënien e tyre. E pyetur nga moderatori Turjan Hyska ajo ka pranuar se princi i kaltër për të është shndërruar në një dem të kuq.
“Çdo gjë lind në impaktin e parë dhe fillon që nga sytë, kështu që ka bërë klik që në takimin e parë dhe ka vazhduar kështu me shumë pasion dhe me dashuri”, ka thënë këngëtarja për takimin e tyre të parë.
Pra dashuria e tyre ka qenë një dashuri me shikim të parë mund të themi
Ajo ka treguar se për herë të parë ishin njohur para nëntë muajsh, në një koncert të sajin.
Kujtojmë se të dy kanë nga një fëmijë nga martesat e tyre të mëparshme.