Lideri i partisë opozitare në Turqi i Partisë Republikane Popullore (CHP), Kemal Kılıçdaroğlu, është sulmuar nga një grup protestuesish gjatë ceremonisë mortore të një martiri që humbi jetën pak ditë më parë në kufirin Turqi-Irak, raporton Anadolu Agency (AA).
Kılıçdaroğlu vizitoi rrethin Çubuk të kryeqytetit Ankara, për të marrë pjesë në ceremoninë mortore të martirit Yener Kırıkcı, i cili humbi jetën në kufirin Turqi-Irak.
Një grup i cili brohoriste me sloganin “Martirët nuk vdesin, atdheu nuk ndahet, mallkuar qoftë PKK-ja”, sulmuan me grushte dhe shqelma Kılıçdaroğlu-n.
Lideri opozitar i cili mbrohej nga forcat speciale, policia dhe xhandarmëria, pasi u mor nga zona ku dhe po sulmohej, është dërguar në një shtëpi. Ndërsa përreth shtëpisë u krijua një rreth sigurie, për të qënë i mbrojtur kështu nga ndonjë rrezik i mundshëm.
Kılıçdaroğlu pas rreth një ore u nxorr nga shtëpia dhe u largua me anë të një automjeti të blinduar. Në të njëjtën kohë forcat e sigurisë morën masa sigurie.
Ndërkohë që Celal Uzunkaya, drejtori i përgjithshëm i policisë, bashkë me pleqtë e fshatit me megafon u përpoqën që të qetësojnë grupin.
https://www.youtube.com/watch?time_continue=1&v=9X0uOcYHzdw
Discussion about this post