“Stop” është ndalur në fshatin Drenovë të Korçës për një denoncim të shtetasit Piro Murcka.
Ai tregon, se në 4 Shtator 2019 konstatoi se në varrin e stërgjyshes, ku e nderonin prej 50 vjetësh, ishte varrosur një person tjetër, që kishte ndërruar jetë në Qershor 2019.
“Në datën 4 Shtator kemi ardhur në përvjetorin e Babait që bënte 13 vjet i ndarë nga jeta, afër varrit të babait është edhe varri i stërgjyshes. Gjetëm një tjetër të varrosur, që kishte dy muaj që kishte vdekur”, thotë Murcka.
Ai shton se kishte aq shumë vite që stërgjyshja ishte varrosur aty, sa vetë nuk e mban mend, ndërsa në kryq me zi dallohen emrat. “Mund të ketë 50-60 vjet.”
Për ta zgjidhur këtë çështje, Pirro Murcka iu drejtua komunës, e më pas kishte takuar kryeplakun. “Kryeplaku më tha se nuk di gjë për këtë rast.”
“Ky është varri ku ka qenë stërgjyshja jonë, këtu janë varret e familjes sonë. Sa mbaj mend në jetën time, kemi ndezur qirinj për varrin e stërgjyshes. Tani nuk e kam idenë se ç’bëhet, ia kanë marrë dhe ia kanë hedhur kockat a nuk e di.”
Gazetarja: Pra kësaj i thonë të mos të të lënë rehat as në atë botë?
Pirro Murcka: Ke të drejtë.
Edhe pse për të hapur një varr duhet vënë në dijeni kryeplaku i fshatit, ky i fundit thotë se nuk e ka pyetur njeri.
Gazetarja: Ku shkojnë këta njerëz në momentin, që vdes dikush?
Kryeplaku: I thonë kryeplakut, përshembull.
Gazetarja: Pra ju e menaxhoni pjesën e hapësirës së varrezave?
Kryeplaku: Po,po, po, mua s’më lajmëruan fare.
Gazetarja: Ky personi, familja e këtij të ndjerit, keni patur kontakt, pasi jeni vënë në dijeni nga Piro?
Kryeplaku: Vajtëm të dy me Piron, e jëma. Ajo tha jo s’ska patur varr, i thamë ne, kockat dolën, jo-tha.
Gazetarja: A ka hapësirë në atë varrezë?
Kryeplaku: Ka moj ka, toka të reja, ka hapësirë. Po të më kishte lajmëruar, unë nuk e lija atje, po të ishte kryqi i vjetër, siç ishte atje.
Gazetarja: Po si ia bëjmë pra?
Kryeplaku: Po çfarë të bëjmë? Po s’kalovi 4-5 vjet, që të mbledhin kockat, ata s’e heqin dot.
Gazetarja: Kryeplak, mua më bën çudi njëherë, sesi e menaxhon ti këtë varrezë?
Kryeplaku: Ore mua nuk më vunë në dijeni, ty të vunë në dijeni, që erdhe këtu, mua s’më vunë në dijeni fare.
Gazetarja: Kjo gjë mund të ndodhi prapë me një varr tjetër të vjetër, apo jo?
Kryeplaku: Ore po s’më lajmëruan mua, cfarë do bëhet, ajo do bëhet.
Gazetarja: Po si mund të evitohet? Duhet të vihesh ti në dijeni?
Kryeplaku: Duhet të vihet kryeplaku në dijeni!
Ndërsa administratori i njësisë administrative Drenovë shpjegon se të gjitha kompetencat i ka kryeyplaku, pasi nuk patur regjistrime për varrezat.
Gazetarja: Ndodhem në njësinë administrative Drenovë, ndodhem sëbashku me kryeplakun e fshatit, sëbashku edhe me një zotëri, që nuk e di nëse jeni në dijeni, por para dy muajsh është varrosur një person në varrin e një personi që ka 50 vjet që prehet në paqe aty. Për varrezat e Drenovës flasim.
Administratori Drenovë: Jo, nuk jam në dijeni për arsye, sepse menaxhimi i varrezave, nuk është se bëhet, domethënë, nuk ka menaxhim nga njësia dhe bashkia.
Gazetarja: Po kush e bën?
Administratori Drenovë: Fshatrat menaxhohen me vetë-menaxhim të themi, nga kryeplaku dhe siç bëhen varrimet, me fise. Nuk është se merret leje.
Gazetarja: Në kushtet kur ndodh kjo gjë, a mund të ndërhyni ju?
Administratori Drenovë: nuk e di, nëse ka qenë varr apo jo më përpara, nuk është, se kemi të regjistruar nëpërmjet kartelave.
Dhe administratori përgjegjësinë e ktheu sërish në pikën A, tek kryeplaku i fshatit.
Gazetarja: Administratori tha, që kryeplaku e ka në dorë.
Kryeplaku: Po Kryeplaku e vdiq që e varrosën atje? Çfarë ka në dorë kryeplaku? T’i them, mos vdis?! Hë, si thua ti? Çfarë të bëj unë?! Do rri me të vdekurit aty?! Le të më lënë roje mua, rri unë!
Discussion about this post