Konfliktet mes Shteteve të Bashkuara dhe Iranit kanë tejkaluar dy shtetet respektive, ndërsa një deklaratë e papritur është bërë nga udhëheqësi suprem i Iranit Ali Khamenei, reagim që vjen pas sulmit me raketa ndaj dy bazave amerikane në Irak.
Gjatë gjithë fjalës së tij ka hedhur akuza të forta ndaj SHBA ndërsa nuk ka kursyer edhe shtetet aleate të saj, dhe njëri prej tyre pavarësisht se nuk e përmend me emër, nënkuptohet që është edhe Shqipëria.
Ali Khamenei tha se një shtet i vogël në Europë është shumë i mbrapshtë dhe ka bërë komplot me SHBA dhe tradhëtarët e MEK kundër Iranit.
“Një vend i vogël europian, shumë i vogël dhe shumë i mbrapshtë ka bërë komplot me SHBA dhe tradhëtarët e MEK kundër Iranit”, tha ai gjatë një fjalimi që është transmetuar në shumë media botërore në gjuhën angleze.
Duke vijuar në këtë linjë, Khamenei tha se tradhëtarët e shtetit të ardhur nga jashtë organizuan protesta në Iran dhe kishin për qëllim sabotimin e Republikës ndërsa shtoi se, iranianët duhet të bëhen të fortë ekonomikisht dhe ushtarakisht për të përballuar sulmet e SHBA-ve dhe të mos mbetën të lënduar prej tyre.
Kujtojmë se që prej vitit 2004 në vendin tonë janë strhuar shumë anëtarë të opozitës iraniane ndërsa ata përfaqësojnë një lëvizje opozitare në shtetin e tyre kundër regjimit aktual por që ndodhen në mërgim dhe synojnë rrëzimin e Republikës Islamike.
(F.GJ/FAXWEB.AL)
Discussion about this post