Bashkëkryetari i Komisionit të Reformës Zgjedhore ka dhënë një deklaratë për mediat pas dështimit të mbledhjes së radhës, duke argumentuar se kjo sipas tij ndodhi për mungesë kourumi duke shtuar se edhe bashkëkryetarja e tij mungoi për arsye shëndetësore.
Teksa tregoi se çfarë ishte parashikuar në rendin e ditës së sotme, Gjiknuri tha se opozita parlamentare ende nuk ka dërguar propozime konkrete duke theksuar se qeveria është mirëpritëse ndaj tyre.
Në fund, Gjiknuri ka kërkuar ndjesë gazetarëve për pritjen por edhe ju ka kujtuar se nga njëra anë sipas tij u bë mirë për ta që mbledhja nuk zgjati.
“Nuk u bë kourimi i mbledhjes sepse disa nga anëtarët nuk erdhën, bashkëkryetarja nuk ishte në gjendje të mirë shëndetësore, kjo ishte e vetmja arsye, nuk ka ndonjë gjë të re. Sot ishte për t’u diskutuar me çështjet e ankimit, procedurat e votimit ku po diskutohen disa nga rekomandimet e ODHIR-it. Puna do të vijojë dhe uroj të mos ketë bojkot sepse të gjitha partitë janë të interesuara. Ne mirëpresim partitë parlamentare që të vijnë me një propozim zgjedhor gjë e cila nuk ka ndodhur. Komisioni ka një mandat dhe një afat dhe besoj shumë shpejt do të kemi një njoftim për vijimin e punimeve. Kështu që nuk ka asgjë tjetër për të shtuar, ndjesë, por nga njëra anë më mirë për ju se nuk pritët gjatë”, tha Gjiknuri.
(F.GJ/FAXWEB.AL)
Discussion about this post