Ministri i Brendshëm Sandër Lleshaj i shoqëruar nga Drejtori i Përgjithshëm i Policisë së Shteti, Ardi Veliu kanë zhvilluar një vizitë në qytetin e Kukësit dhe atë të hasit në kuadër të nismës “Ministri një ditë në Qark”
Në fjalën e mbajtur para gazetarëve në Has, Ministri Sandër Lleshaj tha se ishte në këtë qark për të diskutuar për sigurinë dhe rendin.
“Konstatoj me kënaqësi se situata e rendit dhe sigurisë në këtë qark është ndër më të mirat në vend”.
I pyetur në lidhje me deklaratën në Kuvend se autorët e Rinasit kanë lidhje të forta me grupet e rrezikshme kriminale në vend, ai tha: “Kjo çështje është ende në hetim, megjithëse ka ecur shumë unë nuk mund të ekspozoj detaje të shumta. Unë them se grupi tashmë i shkatërruar ka një arkiv të pasur të aktivitete negative kriminale jo vetëm në Shqipëri por edhe në Kosovë. Procedurat e hetimit vazhdojnë në funksion të zbardhjes dhe kapjen e autorëve. Do të ketë arrestime të tjera. Disa nga krerët e grupit janë arrestuar por ka edhe të tjerë, fakte nuk ka”.
Lidhur me protestat e opozitës dhe vendimin e saj për ti përshkallëzuar ato, Lleshaj tha: “Është e drejta e kujtdo për të protestuar. Por bllokimi i rrugëve është degradim politik në të gjitha aspektet. Nuk është bllokimi i rrugëve zgjidhje politike. Nuk mund ta mbysësh qeverinë duke bllokuar rrugët, qeverinë e mund duke fituar zgjedhjet, duke bllokuar rrugët mbyten qytetarët. I Bëj thirrje opozitës nga Hasi, të kthjellohen e ti thërrasin arsyes, të kthehen në rrugët normale të politikës”.
(F.GJ/FAXWEB.AL)
Discussion about this post