Laert Vasili është shfaqur në zonën e Pedonales në kryeqytety ku është ndeshur me artistë dhe aktivistë që prej rreth dy vitesh janë në protestë për të mos lejuar shembjen e Teatrit Kombëtar, ndërsa për shkaqe ende të paqarta aktori pretendon se është dhunuar prej tyre.
Ka qenë vetë Vasili që ka regjistruar një video në të cilën shikohet edhe përplasja verbale, ndërsa njëri nga aktivistët e akuzon se ka grisur një poster pranë Teatrit.
Vasili ka publikuar videon dhe foton në rrjetet sociale kun ë të parën vihet re përplasja dhe në të dytën, shfaqet vetë aktori teksa merr ndihmë mjekësore duke pretenduar se është dhunuar nga artistët dhe aktivistët që mbrojnë Teatrin.
“Aleanca e Rehatit”, këta uzurpatorë të pronës publike, në këto çaste pasi më dhunuan fizikisht me në krye z.Robert Budina i cili më futi thonjtë në grykë dhe duke më sharë me libër shtëpie u përpoqën të bëjnë lajm për të dalë nga anonimati i jashtëligjshmërisë! Një turp e faqe e zezë që ndodh në mes të kryeqytetit nga njerëz të dhunshëm që duan të kthejnë ‘97 në Art! Dhuna dhe çdo formë tjetër e jasthëligjshme do të përballet me drejtësinē! P.s Haram ato 10 milionë që njerëzit e mi ju kanë sponsorizuar për filmat tuaj z. Budina! Bukëshkalë!”, shkruan Vasili përkrah pamjeve filmike.
Pjesë nga debati që dëgjohet në video:
Aktivisti: A mund të më thuash pse e grise kartelën?
Vasili: Mos më prek mua me dorë se nuk ke surrat ti të më prekësh me dorë se çfarë kam bërë unë për Shqipërinë ti se ke parë në ëndërr
Robert Budina: Ik Laert, ik se ke pirë
Lart Vasili: Berti nuk ta kam borxh këtë, këtë provokim nuk ta kam borxh. Berti të kam ndihmuar Berti. Kam respekt këtu për Edmond Budinën dhe asnjë tjetër.
Robert Budina: Ti e ke grisur atë?
Lart Vasili: Kush ta grisi ty më? Ik se nuk keni punë të bëni, por kam respekt për Edmond Budinën
Edmond Budina: Nuk ka nevojë të kesh respekt, nëse e ke grisur Laert nuk ka nevojë të kesh respekt për mua. Ik mos më kap mua me dorë
Aktorët: Në polici e ke vendin, të q*** motrën
(F.GJ/FAXWEB.AL)
