Ditën e sotme aktivistë të shoqërisë civile kanë mbajtur një marshim protestë kundër krimit seksual në shkolla, ku në shumë raste emisione televizive kanë denoncuar mësuesit për ngacmimin ndaj të miturve.
Rasti më i fundi është shënuar në shkollën e muzikës në Fier, ku dy mësues u denoncuan nga gjimnazistet që iu kërkonin seks në këmbim të notave.
Altin Hazizaj i qendres për mbrojtjen e fëmijëve u shpreh se asnjë prindër nuk e çon fëmijën e vetë në shkollë, duke ditur që mund të abuzohet seksualisht aty.
Po ashtu aktivistët kanë ngritur shqetësimin për numrin e madh të viktimave gra, si pasojë e krimeve në familje.
“Asnjë prind nuk e çon fëmijën e vetë për tu dhunuar seksualisht aty. Jemi shumë larg mbrojtjes së fëmijëve në arsim.
Unë se kam problem numrat, sesa persona marrin pjesë në protestë, normal që në takimet politike ka më shumë anëtarë”, u shpreh Hazizaj.
“Në kuadrin të ditës ndërkombëtare ndaj gruas, ne menduam që marshimi ynë të niste nga sheshi, në mënyrë që të ndërgjegjësojmë sa më shumë njerëz. Bulevardi është i mbushur me institucione dhe ne synojmë që të ndërgjegjësojmë dhe drejtuesit e tyre”, tha më tej Hazizaj.
Discussion about this post