Sot në Kosovë u përkujtua 20 vjetori i çlirimit të vendit ku gjatë homazheve në varrezat e dëshmorëve në Landovicë me rastin e 20 vjetorit të Ditës së Çlirimit të Prizrenit, prindi i dëshmorit, Agron Bytyqi,Islami ish veteran i UÇK-së, ka shprehur pakënaqësinë e tij ndaj klasës politike.
Ai ka akuzuar individë të ndryshëm dhe përfaqësues të institucioneve, të cilët sipas tij, keqpërdorin dhe njollosin gjakun e dëshmorëve dhe vlerat e luftës së UÇK-së për përfitime personale dhe klanore.
“Keni korruptuar edhe dëshmorët, turp t’ju vijë. 20 vjet, shikoni këta bëjnë ujë me petulla. Këtu vijnë njerëz të pa besë, tradhëtarë. S’keni faj ju, e kemi fajin ne që heshtëm me këto pisa. Po shkelin gjakun e dëshmorëve, 20 vjet s’ma ka shkel njeri derën, e kam lënë një djalë në luftë. Kam derdhur gjak për këtë vend, po bëjnë padrejtësi”, tha Islam Bytyqi.
Dëshmori Agron Bytyqi ishte vetëm 21 vjeç kur dha jetën për çlirimin e Kosovës.
(F.GJ/FAXWEB.AL)
