Pak ditë më parë, video e Robert Kelly-t, të cilit iu ndërpre intervista nga dy fëmijët e tij çamarrokë, u shndërrua në virale. E teksa të qeshurat që e shoqërojnë atë video ende nuk janë shuar, një tjetër video, në këtë rast parodi, po qarkullon.
Ajo ka të njëjtin subjekt, veçse në qendër të saj është një grua që i ndërpritet intervista, e cila arrin të menaxhojë vetë gjithçka. Video parodi, që është thjesht një shaka e momentit, do të nxjerrë në pah fuqinë e gruas, se si ajo mund të jetë një “superwoman”.
Në videon komike, nëna në karrierë shihet se teksa u përgjigjet pyetjeve në intervistë lidhur me krizën politike, arrin të kujdeset për fëmijët e saj, t’i ushqejë, të gatuajë, të hekurosë këmishën e burrit, të lajë ëc-në dhe të ç’aktivizojë edhe një bombë.
“Më vjen keq. Ju duken tepër të zënë atje, “thotë intervistuesi. “Ne mund të bëjmë një riskedulim.”, por gruaja nuk dorëzohet. Ajo përfundon intervistën dhe shpejton të shkojë tek bashkëshorti që ka nevojë për ndihmën e saj. Mesazhi që video do të përcjellë është ai i vlerësimit të të gjitha grave.
(XH.A/SHUPLAKA)
