Era e fortë që ka mbërthyer Tiranën ditën e sotme ka lënë pas edhe pasoja. Një lokal në kryeqytet është shkatërruar nga era “shkulëse”. Siç shihet edhe në video, si pasojë e erës janë shkatërruar tenda dhe karriget e lokalit.
Deri tani nuk ka të lënduar nga rrëzimi i tendave dhe karrigeve, por duhet të theksohet se pamjet janë vërtetë të frikshme.
Sakaq, në rrugët e Tiranës ka plot pemë të rrëzuara, ndërsa kujtojmë që pak më parë u shemb edhe pema e Vitit të Ri në sheshin “Skënderbej”. Po ashtu, OSHEE ka njoftuar se si pasojë e motit të keq është këputur fideri në Selitë. Brigadat e avarive janë në gatishmëri për rregullimin e dëmeve.
(M. I./ Faxweb.al)
