Një ngjarje e rëndë ka ndodhur mesditën e sotme në fshatin Sanxhak të Kurbinit. Një fëmijë i mitur ka humbur jetën nga flakët që përfshiu banesën ku ai jetonte me prindërit.
Banesa e cila ishte në pronësi të Hakik Çokut, u përfshi nga flakët dhe në ambinetet e brendshme të banesës u gjet i pajetë fëmija 2 vjeç.
Fax News raporton se ai ka qenë duke u ngrohur në një sobë që ishte ndezur në një dhomë të improvizuar në kasollen e lopës. Më pas fëmija është asfiksuar nga tymi, pasi rreth sobës kishte disa mbeturina të cilat kanë marrë flakë, nga pakujdesia e prindërve të vogëlushit 2-vjeçar.
Zjarrfikësit sapo kanë shkuar në vendngjarje kanë gjetur fëmijën e asfiksuar pa shenja jetë të stukur poshtë divanit. Fëmija është dërguar në morgun e spitalit. Sakaq policia po heton mbi ngjarjen e rëndë.
Thuhet se prindërit kanë ndezur zjarrin dhe nga pakujdesia e prindërve kanë marrë flakë mbeturinat. Familjarët kanë dalë jashtë dhe kanë parë tymin pasi dalë nga dritaret dhe e kanë pasur të pamundur që të shpëtojnë të voglin.
Kurbin/Informacion paraprak
Sot, rreth orës 15:00, në banesën e shtetasit H.C., banues në Sanxhak, Kurbin, ka rënë zjarr, ku pas mbërritjes së shërbimeve të Policisë dhe zjarrfikëses, në ambjentet e brendshme të banesës është konstatuar trupi i pajetë i një të mituri, 2-vjeçar.
Nga veprimet e para hetimore rezulton se fëmija ka ndërruar jetë si pasojë e asfiksisë dhe djegies.
Në vendngjarje grupi hetimor po punon për zbardhjen e plotë të ngjarjes.
(M.Q/Faxweb.al)
