Një video e rrallë e vitit 1995 nga arkivi i “Associated Press” është sjellë sërish në vëmendje, pas debatit të djalit të ish-diktatorit Enver Hoxha, Ilir Hoxha, dhe mbesës së martirit Jonuz Kaceli, Keda Kaceli, debat i cili bëri shumë bujë gjatë kësaj jave.
Bëhet fjalë për një video gjatë një seance gjyqësore, ku në karrigen e të pandehurit ishte ulur Ilir Hoxha, i cili akuzohej për akuzën e çrregullimit civil dhe mosbindje civile, kjo për shkak se kishte mbrojtur të atin gjatë një interviste për një gazetë.
“Sot Enver Hoxha është nxjerrë jashtë ligji, por ligji s’të nxjerr dot nga zemrat”, ishte shprehur Iliri, fjali e cila i kushtoi një vit arrest shtëpie.
Në gjyq shfaqet edhe Arben Ristani, sot deputet i PD-së, i cili në atë kohë ishte avokat i lirë. Ristani është në rolin e avokatit mbrojtës së Ilir Hoxhës.
Në kronikën e Associated Press thuhet gjithashtu që në të njëjtën periudhë, varri i ish-diktatorit u hoq nga varrezat e dëshmorëve dhe u vu në një vazrrezë të zakonshme në Tiranë. Por pavarësisht kësaj, shumë njerëz ende e kujtonin dhe i vinin lule mbi varr. Ama nga ana tjetër, akoma më shumë njerëz të tjerë shprehnin ndjenjën e urrejtjes për të, pasi kujtojnë pasojat e dikaturës së tij.
Ilir Hoxha dhe Keda Kaceli debatuan ashpër një javë më parë në aeroportin e Malpensas në Itali, ku siç thotë mbesa e martirit, djali i ish-diktatorit përdori një fjalor tepër banal përkundrejt saj. (D.D/Shuplaka)
