Ndodhi më 10 prill, në stadiumin “Old Trafford”. Romelu Lukaku, atëherë sulmues i Manchester United, pasi humbi (0-1) ndeshjen e parë çerekfinale të Ligës së Kampionëve ndaj Barçës, ndërhyri që nëna e tij, Adolphine, të mund të takohej me Leo Messin. Duke e inkuadruar këtë situatë në prognozën e ndeshjes së të mërkurës mbrëma, Barcelona-Inter, në Champions, duket se ngjan paksa keq, por ama zbulon se sa e çmendur është ajo si fanse pas pesë herë fituesit të “Topit të Artë”.
Përqafime, buzëqeshje dhe, mos harroni, fotografi me lojtarin më të mirë në botë, sikur të ishte një ultrase e vërtetë e argjentinasit. Po nesër në mbrëmje, si do të sillet nëna e Lukakut? Jemi vërtet kureshtarë të dimë nëse Adolphine do ta vizitojë “Camp Nou” me rastin e Barça-Inter dhe a do të jetë kaq dashamirëse ndaj Messit… Me siguri, në Milano, ajo do të ketë një mundësi të re për ta përshëndetur idhullin e saj, me lejen e djalit të vet, natyrisht.
