Gazetarja e Fax News Eksiola Shehu ka shkuar sot pranë familjes së Zarife Hasanajt, efektives së Forcave të Armatosura, e cila humbi jetën paraditen e sotme në Letoni.
Familja Hasanaj ka hapur dyert e mortit, ndërsa janë shprehur se lajmin e kanë mësuar nga 3 komandantë të ushtrisë, që iu shkuan në banesë, para se lajmi të transmetohej në media.
Efektivja jetonte së bashku me familjen e saj, 2 motrat, dhe 1 vëlla, si dhe prindërit në zonën e Babrrusë, pak vite pasi ishin zhvendosur nga Tropoja.
Më derën e banesës janë të vendosur dhe disa efektivë të policisë ushatarake, ndërsa media nuk është lejuar që të ketë një komunikim me familjarët, të cilët janë padyshim mjaft të tronditur nga kjo ngjarje e rëndë.
Efektivja e Forcave të Armatosura të Shqipërisë Zarife Hasanaj humbi jetën në Letoni, ndërsa komandanti i kontigjentit, Major Klodian Tanushi, dhe rreshter Julian Kapaj kanë mbetur të plagosur. Shkak për këtë ngjarje të rëndë dyshohet se është bërë shpërthimi i një mine.
Efektivët e forcave të armatosura kanë qenë pjesë e misionit të NATO-s për demontimin e armëve dhe minave në Letoni.
(E.K/Faxweb.al)
