Në lidhje me ngjarjen e rëndë që ndodhi dje në qytetin e Vlorës, ku nënë e bir u gjetën të djegur në banesë, eksperti i Policisë thotë se 2 shtetasit janë vrarë, ndërsa ka rindërtuar skemën se si ka ndodhur e gjithë ngjarja kriminale.
“Eksperti ka shpjeguar se si ka ndodhur e gjithë ngjarja: Trupat janë vrarë. Olsit i është vënë zjarri. Gruan, pasi e kanë vrarë e kanë mbuluar me rroba. Epiqendra e zjarrit ka qenë trupi i 46-vjecarit. Kjo duket nga djegia e shtratit dhe dëmtimi i tavanit”.
Një person është shpallur në kërkim për ngjarjen e djeshme në Vlorë të ndodhur në lagjen ku u gjetën të vdekur në banesën e tyre Olsi Hoxhallari dhe Salie Hoxhallari, nënë e bir.
Nuk dihet ende nëse personi i shpallur në kërkim është i afërm i familjes Hoxhallari apo banor i lagjes 1 Maji ku dhe ka ndodhur ngjarja, por sipas burimeve të grupit të hetimit një person i dyshuar për vrasjen e Olsi dhe Salie Hoxhallarit është shpallur në kërkim nga policia.
Më herët policia shoqëroi në komisariat bashkëshorten e viktimës Olsi Hoxhallari, kunatën e tij së bashku me 2 vajzat, të cilat pas deponimit janë liruar mëngjesin e sotëm.
2 viktimat u gjetën të shkrumbuar dje në një nga ambientet e shtëpisë së tyre. fillimisht u mendua se vdelja e tyre erdhi si pasoje e një zjarri aksidental, por më pas policia nisi hetimet për vrasje, pasi në trupat e të ndjerëve u gjendën shenja dhune.
https://www.youtube.com/watch?v=SAHPrW310_Q&feature=youtu.be
