Nëse në Shqipëri 8 Marsi prej vitesh është kthyer në një ditë festive, nuk ndodh e njëjta gjë në të gjithë vendet e botës.
Kështu mijëra gra kanë mbushur rrugët në Turqi dhe në Spanjë duke protestuar për të drejtat e tyre. Sheshet në Stamboll u mbushën plot me grad he pankratat e tyre të protestës.
Ndërkohë në Spanjë shërbimi hekurudhor u paralizua për shkak të protestës, ku 300 trena nuk mundën të kryenin lëvizjet e parashikuar.
I prekur edhe shërbimi transportit nëntokësor. Greva 24-orëshe e organizuar nga 10 sindikata, ka qenë subjekt i debateve të shumta në vend. Grupet feministe i kërkuan gjithashtu grave të mos shpenzojnë para dhe të anashkalojnë punët e shtëpisë përgjatë ditës.
Por të tjerë kanë ngritur zërin kundër grevës. Partia e qendrës së djathtë në pushtet, Partido Popular, tha se aksioni ishte për elitat feminsite e jo për gratë e vërteta me probleme të përditshme.
Ndërsa 10 nga sindikatat spanjolle kanë kërkuar grevë 24-orëshe, dy prej më të rëndësishmeve i thanë pjesëtarëve të tyre të marrin pjesë vetë për dy orë.
Aktorja Penelope Curz ka anuluar eventet e planifikuara publike dhe do të bëhet pjesë e një greve shtëpiake. Një sondazh i zhvilluar tek 1500 persona sugjeron se 82 % e të intervistuarve e mbështesin grevën, ndërsa 76 % e grave në Spanjë kishin jetë më të vështirë se sa burrat.
Në këtë shtet gratë paguhen 13 % dhe 19 % më pak se sa burrat në sektorët publik dhe privat, respektivisht, sipas të dhënave të institutit të statistikave Eurostat.
Ndërkaq në vendin tonë dje nuk u shënua asnjë protest masive, madje tranporti publik brenda për brenda Tiranës ishte falas duke bërë që urbanet të mbusheshin plot me zonja që shkonin për të festuar.
(E.K/FAXWEB)
https://www.youtube.com/watch?v=1vFFNLV1fgE
