Video/ Fouristrada merret zvarrë për 200 metra nga treni në Golem, 6 të plagosur. Mes tyre 4 fëmijë

Një aksident i rëndë është regjistruar në afërsi të Përroit të Agait në afërsi të Kavajës. Një fouristradë me 6 persona brenda, një çift dhe 4 fëmijët e tyre janë marrë zvarrë për rreth 200 metra nga treni i linjës Durrës-Elbasan, pasi kishin ndaluar në shina.

Fatmirësisht nuk raportohet për viktima por vetëm për të plagosur. Mësohet se fëmijët ishin vendosur në sendiljen e pasme.

Të lënduarit janë transportuar për në spital dhe ndodhen jashtë rrezikut për jetën. Aksidenti dyshohet nga pakujdesia e drejtuesit të mjetitt tip ‘Volvo’ i cili nuk ka vënë re trenin.

Njoftimi i policisë:

Durrës

Informacion paraprak

Më datë 17.08.2018, rreth orës 09:10, në zonën e Shkëmbit të Kavajës, treni i udhëtarëve i linjës Durrës -Elbasan është përplasur me një mjet tip Volvo me targa angleze me drejtues shtetasin B. C. rreth 40 vjeç, banues në Durrës, i cili në mjet ka qenë me bashkëshorten dhe katër fëmijët.

Shtetasit e mësipërm ndodhen në Spitalin Rajonal Durrës jashtë rrezikut për jetën.

Grupi hetimor po punon për sqarimin e rrethanave të ngjarjes.

https://www.youtube.com/watch?v=JNbbAB1SlNY&feature=youtu.be

(B.H/Faxweb)