Gjyqtari i Korçës Markelian Kuqo ka reaguar pas alarmit për bombë që i është bërë dhe që është publikuar në media ditën e sotme.
Kuqo thotë se telefonata anonime i ka ardhur nga ‘grushti kriminel i atdheut’ , ndërsa shton se nuk ka nevojë për mbrojtje pasi diçka të tillë e ka kërkuar nga gazetarët.
“Telefonata erdhi nga grushti kriminel i atdheut tim. Nuk kam asnjë lloj dijenie. Jam i qetë, nuk kam asnjë problem. Nuk kam nevojë për mbrojtje, mbrojtjen e dua nga gazetarët”, ka thënë gjyqtari në një prononcim për mediat.
Alarm për bombë në makinën e gjyqtarit Markelian Kuqo në Korçë, teksa mjeti ka qenë i parkuar në afërsi të godinës së gjykatës së Korçës.
Mësohet se alarmi për bombë është dhënë nga një telefonatë anonime në adresë të vetë gjyqtarit, e cila është kryer nga burgu i Drenovës.
Mësohet se pranë makinës është gjetur një pako e dyshimtë, e cila do të shpërthehet në mënyrë të kontrolluar, pasi ende nuk dihet nëse ka brenda lëndë plasëse.
Gjytari Kuqo vendosi pak kohë më parë lirimin e të fortit të Tiranës, Gert Gjinarari, i cili ishte dënuar për vrasjen e Naim Zyberit.
I çuditshëm dhe i dyshimtë është konsideruar vendimi i trupës gjyqësore të drejtuar nga Kuqo, për faktin se është ndaluar gjykimi i shkurtuar për dënime me burgim të përjetshëm.
Në muajin janar të këtij viti, gjykatësi Markelian Kuqo u bë objekt i emisionit investigativ ‘ Fiks Fare’ për ‘dhënie dy herë gabim të të njëjtit vendim’.
(E.K & F.GJ/FAXWEB.AL)
Discussion about this post