Një 60 vjeçare nga fshati Komsi i Burrelit, është shndërruar në frymëzim për mjaft gra.
Zonja Fidane është shfaqur në rubrikën “Njerëz të padukshëm” që transmetohet në ERTV, si nje personazh i pazakontë. Ajo i jep fuoristradës vetë, një gjë e rrallë kjo në Shqipërinë rurale, dhe ka rrëfyer jetën dhe historinë e saj.
60 vjeçarja shprehet se përmes makinës ka mundur të kryejë mjaft punë dhe se falë vullnetit të saj, ka mundur të përvetësojë në përdorim një pjesë të konsiderueshme të paisjeve elektronike.
‘’Kam rritur 7 fëmijë pa borxhe, makinën ma solli vëllai së bashku me ccelësat, dhe më tha ndac mësoje ndac jo. Kam bërë kurs në Peshkopi dhe tashmë jam mësuar me rrugën. Makina dhe telefoni janë mjet pune, po hipe në makinë duhet ta kesh mendjen në mësim se je me automatik në dorë”, shprehet Fidania.
Fidania tregon që nuk e mendon jetën e saj jashtë shtetit, pavarësisht se një pjesë e mirë e të afërmve të saj janë jashtë vendit.
Discussion about this post