Glauk Olldashi, djali i ish-ministrit të ndjerë Sokol Olldashi i pranishëm në një takim me 300 studentë të EDS-së në fjalën e tij ka thënë se është detyrë e rinisë shqiptare të ndryshojë perceptimin e të huajve për Shqipërinë.
“Është një ditë e gëzuar për EDS dhe për forumin rinor të Partisë Demokratike. Si anëtarë të EDS përshtypja e parë që kanë të rinjtë europiane për shqiptarët nuk është dhe aq e mirë dhe u vu re edhe dje. Qëllimi i rinisë shqiptare e sidomos të të rinjve demokratë është të ndryshojë mendimin e europianëve dhe të tjerëve nëpër botë. Të ndryshojmë mënyrën se si flasin për shqiptarët. Shqiptarët nuk janë të këqinj, shqiptarët janë po aq të mirë, mos të themi që janë më të mirë se europianët”, tha Glauk Olldashi.
Kreu i Kreu i PD-së Lulzim Basha më herët në këtë takim vlerësoi rolin e Olldashit duke thënë se djali i tij është shembulli më i mirë sesi po nderohet trashëgimia e të atit.
“Merita e Glaukut është që në ditën e parë ka qenë krah studentëve shqiptarë në betejën për arsimin e lartë të standardeve evropiane.
Por natyrisht nderon trashëgiminë e babait të tij, ish-kryetarit të Forumit Rinor të Partisë Demokratike, një miku dhe bashkëpunëtorin timin, një nga liderët e PD ndarë nga jeta tragjikisht para disa vitesh, z.Sokol Olldashi”, tha Basha (lexo këtu).
Discussion about this post