Ish-deputeti i PD-së Gent Strazimiri e ka quajtur një cënim të rëndë të sigurisë konbëtare atë që ndodhi dje në Rinas ku u grabitën rreth 10 milionë euro.
Strazimiri u shpreh se Policia duke qenë se merret me nxjerrjen jashtë të banorëve te Bregu i Lumit, nuk ka pasur mundësi që të përballet me krimin e organizuar.
“Për fat të keq nuk e dimë dinamikën e ngjarjes, po di të them që për të tretën herë radhazi është cënuar rëndë siguria kombëtare, në aeroportin e vetëm që ka vendi.
Ne të gjithë e kemi parë sesa me shpirt dhe me sa zell punon policia për hallet e Erion Veliajt, me banorët e Bregut të Lumit, duke i përqëndruar aty të gjitha kapacitetet.
Reagimi më i pastër për këtë ngjarje është bërë nga Austria Airlines, që ka deklauruar se nuk do të ketë më tranferta të tjera parash nga Rinasi.
E gjithë siguria kombëtare është plagosur, duke marrë parasysh që ministri i linjës në vend që të flasë për situatën, zgjedh që të sulmojë opozitën, ndërsa kryeministri publikon një video nga Monako. Askush nuk e mendon më si problem atë që ndodh me sigurinë kombëtare”, u shpreh Strazimiri.
Ndërkohë që lidhur me informacionet në media sesi do të mbahet protesta e 13 Prillit, Strazimiri tha se revolta e qytetarëve nuk do të ketë afat.
“Policia ka informacione njësoj si Taulant Balla dhe Elisa Spiropali, unë mendoj se duhet që ti shporrim sa më shpejt. Nuk ka rëndësi sesa zgjat protesta, pasi populli tashmë është në këmbë”, u shpreh më tej Strazimiri në Fax News.
Discussion about this post