Një ngjarje e rënda ka ndodhur mbrëmjen e sotme në Fier. Një person i armatosur ka hyrë brenda ambineteve të Spitalit Rajonal në Fier dhe ka qëlluar, duke plagosur 3 persona.
Mësohet se të shtënat kanë ndodhur pas një konflikti midis të rinjëve, të cilët ishin përplasur me sende të forta në Levan.(Lexo këtu)
Pas ngjarjes së rëndë, policia dhe FNSH kanë mbërritur në spital. Në ambientet spiatlore ka mbërritur edhe drejtori i Policisë së Fierit Andon Marko.
Gjatë fjalës së tij për mediat, Marko tha se policia ka arrestuar 2 persona, kurse një i tretë është shpallur në kërkim. Ai shtoi se po bëhet kontroll në banesën e personit që është shpallur në kërkim policor.
“Janë identifikuar personat që kanë qenë pjesë e sherrit dhe personat që kanë hapur zjarr, të cilët kanë qenë dy persona, që janë nisur drejt spitalit. Në momentin që personat e dëmtuar kanë ardhur në spitalin e Fierit, ka ndodhur një incident, ku policit të patrullës së pëgjithshme, i kanë marrë aksidentalisht armën nga brezi dhe njëri shtetas, i identifikuar se kush është, ka qëlluar ndaj dy personave, më të cilët kaënë pasur konfliktin e mëparshëm. Kemi shoqëruar dy persona dhe po punojmë për kapjen e dy të tjerëve. Gjendja sipas stafit është normale dhe nuk kanë problem serioze për jetën.”- u shpreh Marko.
Ndërkaq, drejtoresha e spitalit Nevila Shuke u shpreh se 3 të plagosurit janë jashtë rrezikut për jetën.
Konflikti ka nisur më herët mes dy grupe të rinjsh, në Levan të Fierit, të cilët janë goditur midis tyre me sende të forta.
Personat e plagosur kanë shkuar në spitalin Rajonal të Fierit për të marrë ndihmën mjeksore nga dëmtimet, por me pas një i ri nga grupi rival, ka shkuar i armatosur dhe ka hapur zjarr në ambientet e Urgjencës së Spitalit, raporton Faxweb, nga burime paraprake.
Policia ka mbërritur në vendgjarje dhe raportohet se ka arrestuar katër persona në lidhje me ngjarjen.
Ende nuk bëhen të ditura më tepër detaje mbi identitetin e të rinjëve apo shkakun e konfliktit.
(M.Q/Faxweb.al)
Discussion about this post