Prej dy muajsh vendi ynë ndodhet në një situatë pandemie me virusin Covid-19. Kufijtë janë të mbyllur. Muaji Prill është fillimi Pranverës ku fushat dhe malet përrreth mbushen me lulet sezonale dhe rikthehen shpendët shtegtarë sezonal.
Amali dhe Kejsan Mavriçi dy fëmijë nga Kamenica e Kosovës të apasionuar pas fotografisë së jetës së egër, këto ditë izolimi po i kalojnë në natyrë duke fotografuar shpendët. Amali dhe Kejsan edhe pse në një moshë të vogël, janë profesionistë në përdorimin e aparateve profesionale duke fotografuar shpendët.
Ky insipirim ju vjen nga babai i tyre i cili prej vitesh fotografon jetën e egër në natyrën e egër të Kosovës dhe Shqipërisë pjesë e grupit Ëildlife Albanian Photographers
Fotografët e këtij zhanri janë disa nga profesionistët ma të mire në botë. Fiksimi i momenteve nëpërmjet fotografisë së jetës egër në habitatin e saj natyror, në pamundësi për t’u kapur me sy të lirë, janë qenësore për studimet shkencore, organizatat me qëllim mbrojtjen, përfshirë dhe industritë e panumërta që e promovojnë dhe ndërgjegjësojnë.
(F.GJ/FAXWEB.AL)
Discussion about this post