Ministri izraelit i Mbrojtjes Avigdor Liberman thotë se ylli i futbollit Lionel Messi e humbi penalltinë ndaj Islandës për shkak se Argjentina e kishte anuluar një ndeshje miqësore në momentet e fundit kundër Izraelit.
“Në ndeshjen e Argjentinës kundër Islandës pamë se sa Messi kishte nevojë për ndeshjen miqësore kundër Izraelit”, u shpreh Liberman në Tëitter pasi Messi humbi një penallti dhe Islanda mori një barazim 1-1 kundër Argjentinës në një debutim mbresëlënës të Kupës së Botës të shtunën.
Për humbjen e penalltisë nga ana Messit ka dhënë mendimin e tij edhe Jose Mourinho, trajneri i Manchester United i cili është i ftuar si specialist për Botërorin.
Mourinho ka deklaruar se edhe ai mund të gabojë, duke parë që është ‘human’.
Ndërkohë portugezi ka vlerësuar shumë Islandën, duke u shprehur: “Besoi se ishte një rezultat i drejtë, Islanda luajti në limitet e saj. E përsëris, kur një ekip luan në limite, nuk mund të kërkosh më shumë.
Nëqoftëse do të zgjidhja një fjalë për të përshkruar Islandën do të ishte kompaktësia. Më kujtohet në minutën e 69-t, 9 futbollistë dhe portieri në zonë… minuta e 87-t, 10 futbollistë dhe portieri në zonë, ata ishin kompakt.
Askush nuk mund t’i fajësojë. Nuk luajtën 1 kundër 1 me Messi-n…thjesht ishin kompakt. Reduktuan hapësirat, ishin kompakt në gjerësi dhe gjatësi. Nuk kishte hapësira pas mbrojtësit të fundit. Patën një shans, realizuan.”, tha Mourinho.
Ndërkohë që trajneri i Argjentinës pas ndeshjes deklaroi se Messi nuk shkëlqeu sot pasi nuk pati hapësira.
https://www.youtube.com/watch?time_continue=1&v=9JTmGQ0fO9w
(B.H/Faxweb)
Discussion about this post