Pas ceremonisë mortore në Bularat ku u varros Kostandinos Katsifas i cili mbeti i vrarë në një shkëmbim zjarri me policinë shqiptare më 28 tetor, i ati i 35-vjeçarit gjatë shërbimit përkujtimor një ditë pas funeralit, para banesës së fundit ku prehet i biri i quan “gomerë”, efektivët e policisë që qëlluan mbi të birin e tij.
Janis bëri një monolog dhe thotë se i biri i tij do të mbetet i paharruar, i cili e mposhti frikën “për të mbrojtur të drejtat e minoritetit”.
“Ç’doje të bëje biri im? Të mbeteshe i paharruar në kujtesën e 13.000 bijve, atë deshe të bëje biri im? Por ata maskarenjtë, gomerët e policisë të provokuan dhe ti qëllove në ajër dhe jo mbi ta. Ike dhe malet gjëmuan nga zhurma e armës tënde, në nder të të parëve të tu që luftuan fashizmin”, tha ai para varrit të të birit.
“Ti nuk e le frikën të të mposhtë biri im, si të tjerë si ne që kanë lepurin brenda. Ti e mposhte frikën për të mbrojtur të drejtat e minoritetit. Udhëtim i mbarë, fëmija im”, ka deklaruar ai ndër të tjera.
(B.H/Faxweb)
Discussion about this post